JENNIEL
"Hindi na kita susunduin, ha!? Kapal na ng mukha mo pag ginawa ko pa 'yon!" pagtataray ni Sandino nang makarating na kami sa tapat ng bar kung saan ako nagtatrabaho.
Plano naman talaga sana nitong sumama sa akin ngayong gabi upang makita pa raw nitong muli at matitigan si Sir James, ngunit dahil sa katrabaho nitong tumawag habang nasa gitna kami ng daan at nag aya raw gumimik sa ibang lugar ay biglang nabago ang plano nito at idinaan na lamang ako rito sa bar.
Napahalakhak ako. "Oo naman, alangan namang sunduin mo pa ako rito, eh di, napagod ka pa! Nakakahiya naman sa 'yo! Pero okay na rin 'yon, kay Sir James na lang ako magpapahatid, –babe." Pagkatapos ay mabilis na akong bumaba ng kotse habang tumatawa, dahil alam kong makakatikim na naman ako rito ng sabunot at kung mamalasin
