JENNIEL
Isang buwan na rin ang lumipas mula nang mangyari ang pinaggagawa kong kabaliwan sa harapan ni Sir James noong araw na nawalan ako ng malay.
Isang buwan na rin akong laging laman ng usap usapan sa buong university. At dahil sa nangyaring iyon ay pinag isipan ako ng lahat na may relasyon kaming dalawa ni Sir James.
Minsan ko pang narinig na may asawa na raw si Sir James kaya't hindi na raw dapat ako kumakabit, hanggang sa ang ilan ay tinatawag na rin akong mistress at ginagamit lang daw si Sir James para makahuthot ng pera para sa aking pag aaral.
Gayunpaman ay pikit mata ko iyong hinaharap at nagbibingi bingihan sa lahat ng mga salitang sumusugat at nagbababa sa aking buong pagkatao.
Aaminin kong nasasaktan ako sa mga paratang na iyon. Sa mga paratang na walang katotohanan. Sa
