31: A familiar face
UMAGANG-UMAGA habang maganda at malamig pa ang simoy ng hangin nang umalis sila sa mansyon na tinutuluyan. Hinatid sila ni Auntie Lorraine sa labasan at kumaway ito sa papaalis nilang sasakyan. Kumaway rin si Janine pabalik. Sumalampak muli siya sa sandalan bago magmuni-muni ng ilang sandali. Ngayong nasa biyahe na naman sila, sinalubong siya ng nostalgia. Naalala niya kasi ang dating kalakaran ng mundo, nung dating wala pang sakit. Namimiss niya ang mga araw na malaya siyang nakakapunta sa kung saan-saan.
Nadaanan nila ang iilang kabahagian na sadyang tumatak sa kanya. Ang daang tinahak nila ay pawang mga bukirin at mga nakabibighaning tanawin.
"Ganito ba talaga dito? Bakit ang ganda?" Mangha niyang wika.
"Yes...the view is beautiful," Sabi ni Rafael sa kanya. N
