جحيم حبك

الفصل الأول

في حي شعبي من أحياء القاهرة

ناس كتير واقفة حوالين بنت آيه في الجمال .. بس الجمال ده مداري في لبسها اللي تقريبا لبس رجالي .. وحجابها اللي مزين وشها ..

(مسك عبد الرحمن الجمال .. 25 سنة ... معاها دبلوم تجارة مدخلتش كلية بسبب ظروفها اللي هنعرفها بعدين .. ولدتها والدها متوفين .. والدها رحمة الله كان فاتح محل عطور . ويمكن دا السبب اللي عشانه سماها "مسك" من كتر حبه في المسك)

_ا**ه مسك .. ا**ه مسك

مسك بـ أبتسامة بشوشة: عيون ا**ه مسك ياعبدالله .. عايز ايه ياحبيبي

الطفل بخجل: عايز السندوتشات بتاعتي اصل كده هتأخر على ماما

مسك وهي بطبط عليه: احلى سندوتشات لاحلى عبدالله في المنطقة كلها

دقايق وكانت جهزتله طلبة .. وخلته يمشي اول واحد .. صوت الناس ابتدأ يعلى بأعتراض وعايزن طلباتهم عشان يمشوا

مسك بصوت حاد غير مرتفع: صلوا على النبي كده ياجماعة .. الله! هو انا عندي 100ايد ولا ايه؟ .. الصبر يابشر الصبرر

واحد من اللي واقفين بغضب : ورانا اشغال يااستاذة هنفضل طول اليوم مستنينك ولا ايه؟

مسك بهدوء: والله انا مض*بتكش على ايدك وقولت لحضرتك اوقف .. عندك بدل العربية 100عربية روح اقضي طلبك منهم

ست من اللي واقفين: معلش يابنتي شوفي طلبه الاول الله واعلم ظروفة ايه

مسك بهدوء: طلبك ايه يااستاذ

_اتنين كبدة وواحد سجق

(حتى البيبسي مأخدتش بق ?)

مسك: عيني .. وبعد ما جهزتله طلبه: اتفضل اي خدمة تانية

الشخص: لا متشكرين اتفضلي حسابك

(ايوه زي مافهمتوا كده .. مسك فاتحة عربية كبدة في الشارع .. شغلها اللي معيشهـا)

الوقت عدى والزباين مشيوا وفضلت قاعدة مستنية اي يزبون يجي ..

_صباح الورد على احلى مسك في المنطقة

مسك بأبتسامة: صباح النور على احسن مكانيكي في البلد .. أجهزلك طلبك ياخويا

رحيم برفعة حاجب: اخويا!! انا مش اخوكي يابت فوقي كده

(رحيم احمد الشرقاوي .. 32سنة .. متخرج من كلية تجارة .. فاتح ورشة ميكانيكية للسيارت ودا بسبب حبه الشديد للمهنه دي .. والده متوفي وعايش مع امه واخته وهو المسؤول عنهم .. وخاطب "مسك")

مسك: الله!! هو انا قولت حاجة ياسطا رحيم

رحيم:احلى ياسطا رحيم في الدنيا

مسك: هههههه

رحيم: ضحكتك يابت

مسك: مالها

رحيم: عجباني ?

مسك: ألفهالك ?

رحيم بغيظ: يخربيت ألشك

مسك: بتقول حاجة ياعنيا؟!

رحيم: تسلم عنيكي ياجميل

مسك بتحذير: طب يلا ياخويا من هنا .. والحق ال*قربة اختك جاية

رحيم: 100مرة أقولك متقوليش على ست البنات كده

مسك: لا والله؟ ولما هي ست البنات انا اكون ايه

رحيم: انتي عارفة انتي ايه

مسك: لا مش عارفة

رحيم بـ أصرار: لا عارفة

قاطع كلامهم صوت اخته وهي بتقول: رحيم يلا مش هتوصلني الكلية؟ بطني قلبت من الريحة دي

(سالي أحمد الشرقاوي .. اخت رحيم .. عندها 21سنة في سنة تالتة في كلية التجارة)

مسك بسخرية : مالها الريحة ياأبله سالي؟ الله يرحم ايام ما كنتي بتاكلي المش بدوده

سالي بق*ف: يعععع سامع يارحيم بتقول ايه؟ انا مش عارفة ايه اللي موقفك مع الاشكال دي على الصبح

مسك: الاشكال دي؟!! عموما مش هرد عليكي مهما كان انتي لسه عيلة .. والعيلة لما تغلط اخوها يربيها ..

بصت لـ رحيم وقالت: عن اذنك ياسي رحيم هشوف الزباين

قالت كلامها وراحت تكمل شغلها .. اما رحيم فمسك سالي من أيديها بـ شدة وجعتها

سالي بألم: اي ايدي يارحيم هتت**ر

رحيم بغضب: انتي تخرسي خالص .. ازاي تتكلمي مع مسك بالطريقة دي .. انا ربيتك على كده

سالي: وانت عايزني اكلم ست مسك ازاي؟ يارحيم دي ماتستهلكش .. شوف انت فين وهي فين

رحيم بغضب حارق: قسما بالله لو سمعتك بتتكلمي عنها بالطريقة دي تاني او قولتلها كلمة تضايقها لـ هـكون قاطع ل**نك يابت انتي .. هو انا معرفتش اربيكي ولا ايه؟

سالي بدموع: هتقطع ل**ني علشان دي يارحيم؟!

رحيم: دي خاطبتي ياا**ه سالي وفي يوم من الايام هتبقى مراتي وام عيالي وكرامتها من كرامتي

سالي: لو اتجوزتها يارحيم لا انتي اخويا ولا اعرفك

رحيم ببرود: بقى كده! تمام اووي يااهانم شوفي انتي راحة فين يلااا

سالي: مش هتوصلني؟

رحيم ببرود: لا

سالي: للدرجادي يارحيم؟ هتسبني اروح الجامعة لوحدي؟ دا انت عمرك ما عملتها وخلتني اروح لوحدي من وانا في ابتدائي

رحيم: انتي مبقتيش صغيرة وبتعرفي تردي وتهيني وتجرحي فـ أكيد تعرفي تروحي لوحدك يلا اتكلي على الله

خلص كلامة ومشي وسابها وراح على عربية الكبدة بتاعت مسك

سالي بغضب وعيون مليانه دموع: بقا تسبني وتروح للجربوعة دي يارحيم؟ لما لسه خاطبها وبتعاملني كده عشانها اومال لو اتجوزتها هتعاملني ازاي؟!!!

____________

"علي عربية الكبـدة"

رحيم: متزعليش يامسك حقك عليا انا وحسابها معايا لما نروح

مسك بهدوء : انت عارف ومتأكد اني اقدر ارد عليها واجبها من شعرها بس انا احترمت وجودك يارحيم غير كده كنت ف*جت عليها امه لا اله الا الله ومش هيفرق معايا حد .. اختك نقصلها تكه معايا وهتشوف وش مني عمر ما حد شافه .. كله الا كرامتي واللي يجي على كرامتي بدوسه بجذمتي

رحيم: انا عارف انها غلطت بس هي لسه عيله واختي خط احمر يامسك يوم ماتفكري تأذيها انا هـ

قاطعته بقوه: هتعمل ايه؟ هتفسخ خطوبتنا مثلا؟ طب وايه يعني! انا مبتهددش يارحيم واللي يجي على كرامتي يبقى خسراته م**ب

رحيم: لا الله الا الله مين قال اني هـ افشكل ولا بهدد انتي عارفة سالي مش بس اختي الصغيرة دي بنتي اللي مربيها على ايدي

مسك: تبقى غلطت في تربيتها .. اختك شايفه كل الناس من فوق تقولش رئيسة الجمهورية؟ وعمال تقول شوف هي فين واحنا فين! رحيم انت اسطا مكانيكي ودا مش عيب لسمح الله .. فاتح ورشة بالايجار؟ معاك كلية تجارة وانا معايا دبلوم تجارة يعني تقريبا مفيش فرق مابينا

رحيم: حتى لو انا مليونير كنت هتقدملك واخطبك وا**م اني اتجوزك .. انتي متعرفيش انتي عندي ايه ربنا اللي يعلم .. بكره لما نتجوز هقولك على اللي في قلبي من ناحيتك .. وحقك هجبهولك حتى لو من اختي .. متزعليش مفيش حد يستاهل انك تزعلي نفسك بسببه

مسك بتحدي: حتى اختك

رحيم بأبتسامة: حتى اختي

مسك: طب يلا على شغلك وتاني مره متقوفش معايا في الشارع احنا لسه مخطوبين الناس تقول علينا ايه

رحيم: هيقولوا ايه قطع ل**ن اي حد يقول عليكي نص كلمة وبعدين احنا في نص الشارع بيني وبينك متر ونص بقول كلام موزون لا بعا** ولا بقول كلام في الهواء

مسك: طب ياخويا شوف شغلك عشان اشوف الزباين دي

رحيم: طيب سلام عليكم

مسك: وعليكم السلام ورحمة الله وبركاته

رحيم مشي على شغله ومسك رجعت تكمل شغلها

____________

اما في كلية التجارة وصلت سالي وكان في حد مستنيها

_كل دا تأخير ياسالي المحاضرة بدات .. الا صحيح فين رحيم؟ هو مجاش معاكي؟ اوعي يكون تعبان؟ متنطقي يابت ساكته ليه؟

سالي بغيظ: سهر ابلعي ريقك الاول وسبيلي فرصة ارد .. رحيم ياختي زي الفل اما مجاش ليه فـده بسبب ال*قربة اللي اسمها مسك

سهر بكره: مسك مسك مسك مايجليش خبرها البعيدة انا مش عارفة اخوكي عاجبة فيها ايه

(سهر إبراهيم عدوي 21 في تالته تجارة اقرب صاحبة لـ سالي وكمان جارتها وبنت صاحب اكبر معرض عربيات )

سالي: ان جيتي للحق هي قمر بس انا مش بقبلها لله في لله

سهر: طب يلا ياختي ندخل المحاضرة وبعدين نبقى نكمل كلامنا

____________

في ورشة رحيم

رحيم: وااااااد ياعضلة

جه ولد تقريبا عنده 18 سنة

عضلة: نعمين يامعلمي

رحيم: فين عربية الاستاذ احمد؟

عضلة: جه اخدها ياسطا من نصاية كده بعد ماجربها وطلع كله تمام وساب الحساب وحطيته في درج المكتب

رحيم: طب روح هاتلي كوباية شاي وتعال نشوف ورانا ايه

عضلة: حمامه يامعلمي

____________

وقت العصـر

_القمر قاعد يهش وينش كده ليه

مسك ببتسامة صافية: قلب القمر ياناس جيت بدري يعني من الجامعة

خالد: خلصت محاضراتي فـ قولت بلاش اصيع واجي الم معاكي العربية

(خالد عبدالرحمن الجمال .. اخو مسك .. في اخر سنة في كلية هندسة عنده 22سنة)

مسك: لا روح انت وانا هقفل واجي وراك

خالد بأصرار: لا ويلا هروح معاكي

مسك بغيظ: ياض هدومك هتتوسخ وانا اللي هتعب في غسيلها

خالد بحب: وايه يعني اما تتوسخ كدا كده بكره دوري في الغسيل

مسك مرح: اذا كان كده ماشي يلا لم الاطباق على ما اشيل الصواني

مسك وخالد ابتدوا يلموا حاجات الشغل .. دقايق وكانوا مخلصين ومراوحين

{جحيم حبك _ بقلمي شيماء ع**ت}

في شقة مسك .. شقه في غاية البساطة .. عبارة عن اوضين وصاله وحمام ومطبخ .. فرش الشقة بسيط جدا عبارة عن الاساسيات مش اكتر

مسك اول مادخلت اخدت شاور وغيرت هدومها وبعدين دخلت المطبخ تجهز الغدا .. والاكل اللي بتبيعه ودا لانها بتفتح ورديتين .. الصبح بدري من الساعة 7الصبح لحد الساعة 3العصر وبعدين من الساعة 7باليل للساعة 10 وهكذا .. ودا علشان تقدر تصرف على نفسها وعلى اخوها اللي رافضة تماما تخليه يشتغل وم**مه انه يركز في دراسته وبس .. غير حلمها اللي عايزة تحققه!!

خالد: عايزاني اساعدك في حاجة يامسك

مسك: لا خلاص انا خلصت طلع الاكل يلا

طلعوا الاكل وقعدوا يتغدو مع بعض .. خلصوا وشالوا بقيت الاكل .. ومسك دخلت تحضر اكل الشغل

خالد: يابنتي تعالي اقعدي شوية انتي طول النهار واقفة على حيلك

مسك: ياحبيبي وهو انا اشتكتلك؟

خالد: من غير ماتشتكي يامسك كفاية عليكي شغل لحد كده انا مبقتش صغير واقدر اصرف عليكي وعليا انا مش عايز ا**ر كلامك واشتغل من وراكي على الاقل خليني انا افرش بعربية الكبدة وخليكي انتي في البيت معززه مكرمة ولا انتي مش شيفاني راجل ومقدرش اشيل المسؤولية

مسك مسكت ايديه وبحنان قالت: اولا انت راجل وسيد الرجاله كمان .. وانك شايف دراستك ومهتم بيها دا دليل على انك شخص مسؤول واني عرفت اربي .. بس شغل على العربية لا .. هتقولي ليه هقولك عشان دراستك عشان مذكرتك ومحاضراتك عشان كورساتك .. عشان تلاقي وقت تذاكر فيه وبعدين مش بعد دا كله هتشتغل على عربية كبدة مش عشان عيب لا سمح الله بس انا مش عايزاك تتبهدل ياخالد .. ماما وبابا الله يرحمهم موصيني عليك وانت امانة في رقبتي ليوم الدين وبعدين ما انت بتنزل معايا في ورديه بليل عايز ايه اكتر من كده

خالد: بس مش قادر استحمل وجودك في الشارع ليل ونهار اللي واعلم مين بيضايقك ولا بيعا**ك وانتي زي القمر كده

مسك: يابا انا بعون الله بـ بصه واحدة من عنيا بخلي اجدعها دكر يعملي الف حساب اختك بـ100الف راجل ياواد

خالد: حبيبي يابو الصحاب

مسك: طب يلا ياخويا خش ذاكر اللي اخدته النهارده وشوف وراك ايه كلها ساعتين وننزل نفرش

خالد قام يذاكر ويخلص اللي عنده .. ومسك راحت تشوف اللي وراها

_______________

_أنا مش عارفة ايه اصرارك العجيب ده لرجوعك لـ مصر

_متنسيش ان دي بلادنا يابنت عمي وانتي عارفة من زمان ان هيجي يوم وارجعلها

هدى: بس ياكريم احنا هنا حققنا كتير من حلمنا وبقينا اصحاب اكبر سلسله مطاعم اكل شرقي في اوروبا

كريم بهدوء: وجه الدور اني ابقى صاحب اكبر سلسه مطاعم اكل شرقي وغربي في بلدي ياهدى .. وبلاش مناهدة على الفاضي انا اخدت قرار ومش هرجع فيه بكره هنرجع مصر

(كريم المنشاوي .. 32سنة .. خريج سياحة وفنادق .. بمجهودة وتعبه بقي صاحب اكبر سلسله مطاعم في اوربا)

(هدى المنشاوي .. بنت عم كريم .. وبتشتغل معاه .. جميلة وطيبة لاقصى درجة .. كريم بيعتبرها زي اخته .. بس ياترى هي شيفاه ايه؟ )

_____________

وفي مكان تاني في الحارة الشعبية .. في شقة مش لايقه مع المكان اللي هي فيه من حيث العفش والاجهزة اللي على احدث موديل وصولا للعمارة اللي بتظهر غنى الناس اللي فيها

شقة المعلم (إبراهيم عدوي) صاحب اكبر معرض عربيات في المنطقة

إبراهيم ماسك تليفونه وبيتكلم: ايوه يارحيم تعال ليا البيت

رحيم: ________

ابراهيم بتعب: يابني مش قادر انزلك .. اه تعبان شوية

رحيم: _______

ابراهيم: لا ياسيدي انا لوحدي تعال بس عايزك في مصلحة طيب سلام سلام سلاااام بقااا

خلص المكالمة واتفاجئ بـ باب الشقة بيتفتح

_انااااا جييييت

ابراهيم بأبتسامة: قلب ابوكي جيتي بدري يعني

سهر قربت وباست ايده: بدري ايه بس ياسي بابا انا جيت في معادي مظبوط ولا انت كنت عايزني اتاخر ياخلبووص

ابراهيم: هههههه مش هتبطلي بكش ابدا

سهر بمرح: لو مش عاجبك طلقني

ابراهيم لسه هيرد جرس الباب رن بهدوء قال: قومي افتحي دا رحيم

سهر بلهفه قامت بسرعة فتحت الباب وبحب قالت: رحيم ازيك عامل ايه .. اتفضل

رحيم بحرج وهو بيغض بصره عنها : الحاج ابراهيم هنا

سهر: ايوه مستنيك جوه اتفضل ادخل

ابراهيم: تعال يارحيم انا هنا اهو .. وكمل كلامه لسهر: اعملنا حاجة نشربها

سهر: من عنيا الاتنين

رحيم: خير ياحج جايبني على ملى وشي كده ليه انت كويس

ابراهيم: كويس يابني اقعد عايزك في مصلحة حلوة ليك

قعد رحيم وبجدية قال: خير ياحج

ابراهيم: شفت الورشة اللي جنب القهوة اللي في حارتنا

رحيم بأستغراب: ايوه مالها

ابراهيم: الحج حسن عايز يبعها لانه هـ يمشي من الحارة كلها وجه قصدني اني اشتريها بس انا قولت انت اولى بيها قولت ايه

رحيم: والله ياحج هي ورشة حلوة ومساحتها كبيرة بس مش عارف هقدر اغطي تمنها ولا ايه

ابراهيم: هتقدر بعون الله هو هيخلصها على 500الف حط اللي معاك وانا رقبتي سداده ليك .. من جنيه ل100الف جنية

رحيم: منحرمش منك ياحج هشوف حالي كده وارد عليك .. استاذن انا بقا

ابراهيم: اذنك معاك يابني اهم حاجة متتاخرس عليا في الرد

رحيم وهو خارج: باذن الله

سهر: استني يارحيم انت لسه مشربتش حاجة

رحيم: مره تانية ان شاء الله عن اذنك

قال كلامة وخرج بره الشقة وعيون سهر مرقباه

ابراهيم: سهر .. سهر انتي يابت

فاقت من سرحانها: نعم يابابا

ابراهيم: واقفة متخشبه كده ليه هاتي الشاي ده اما اشربه قبل مايبرد

سهر: اتفضل ياسيدي بالف هنا

ابراهيم: عارفة ياسهر انا لو هتمني عريس ليكي مش هتمني غير رحيم .. ادب واخلاق وعنده عزه نفس ماشوفتهاش علي حد بس كله نصيب والبت مسك بنت حلال بردو ربنا يسعدهم

سهر لنفسها بوعيد: رحيم هيكون ليا .. ليا انا وبس مفيش حد يستاهله غيري ومفيش حد حبه قدي