Ameya
Ilang araw na ang nakalilipas simula nang pabantayan ni Jethro si Justine. Alam ko na hindi pa naman sanay si Justine na nababantayan pero alam ko naman na ikabubuti niya iyon. Sinabi naman ni Jethro sa amin na pwede akong escortan ng pulis ng papunta at pauwi sa trabaho din.
Sa sobrang pag-aalala ko sa mga nangyayari sa amin ay ilang beses na akong nagkamali sa araw na ito. Iyong order nilang chicken ay nagagawa kong pork, tapos iyong side dish nila na fruit salad ay nagagawa kong potato salad. Ilang beses na may bumalik at nag-aalala na iyong ibang empleyado sa akin.
“Miss Ameya, ayos lang ho ba kayo? Gusto niyo ho bang magpahinga saglit?” nag-aalalang tanong ni Dhana sa akin.
“Pasensya na kayo. Marami lang akong iniisip,” hinging paumanhin ko sa kanila.
“Okay lang po iyan Mi
