NAGISING si Karenina sa hindi na niya pamilyar na silid. Mukhang wala na rin siya sa loob ng yate dahil hindi na gumagalaw itong kinaroroonan niya. Agad naman niyang inilibot ang paningin sa buong silid.
Malaki at napaka-eleganteng silid pero ang dull ng motif. Walang buhay. Mula sa bedsheet ng kama hanggang sa kurtina ay kulay gray na nagpadagdag ng pagiging dull ng buong silid.
Saan na naman ba siya dinala ni Brixton?
Bumaba siya sa kama at tinungo ang unang pinto na nakikita niya sa loob ng silid. Sapantaha kasi niya ay banyo iyon at hindi naman siya nagkamali.
Pagkatapos niyang magbanyo ay dahan-dahan siyang sumilip sa labas. Nang makitang walang tao na nagbabantay ay tuluyan na siyang lumabas.
Napasinghap pa siya nang makitang sobrang taas ng kinaroroonan niya. Nakita kasi niya
