"Anong klaseng correspondence ito?!"
Napapitlag si Karenina sa kaniyang kinauupuan at sumasal sa pagtibok ang dibdib niya nang marinig ang galit at malakas na boses ni Mr. Sanford. Iniwan na muna niya ang ginagawa sa harap ng computer at dali-daling pumasok siya sa loob ng opisina nito.
"Sir?"
"Bakit mali-mali ito? Simpleng correspondence ay hindi ka marunong gumawa?" asik nito sa kaniya.
Nag-init tuloy ang mukha niya sa sobrang pagkapahiya.
"E, Sir—" napatigil siya sa pagsasalita nang biglang ihagis nito ang hawak na papel sa harap niya.
"Napaka-simple ng ipinagagawa ko sa 'yo pero hindi mo magawa ng maayos? E, kahit na ang janitress kayang gumawa niyan sa simpleng instruction lang!" sigaw nito.
Hindi siya nakakibo. Gustuhin man niyang sumagot pero tila may bumikig sa lalamunan
