Cecily
“HUH?”
Halata ang gulat sa mga mata ni Damon matapos niyang marinig ang mga salitang iyon sa kanyang ama.
Maaaring nalilito siya ngayon, dahil paano mo ba mabilis na paniniwalaan na ang babaeng tinuring mo lamang na ina sa loob ng maikling panahon upang punan ang pangungulila mo sa tunay mong ina ay siya pa lang nagluwal sa ‘yo sa mundo.
Kahit ako, hanggang ngayon ay hindi pa rin makapaniwala na nasa harapan ko na ang anak ko. Parang panaginip, ngunit kung tunay itong panaginip ay ayokong magising pa.
“Damon…” Hinimas ko ang kanyang maliit na braso. Mula sa titig niya sa ama ay tumingin sa akin si Damon. Napakurap-kurap siya at kitang-kita ko na naguguluhan siya sa mga nangyayari.
Damon may act matured than his age, pero bata pa rin ito. Umaakto man siyang naiintindihan ang l
