Oriana Fatima’s POV
“Ate ko!”
Mahigpit na yakap ang sinalubong sa akin ng mga kapatid ko pagbaba na pagbaba ko ng sasakyan ni Ross. Magkakasama na kami pero hindi ko kayang maging totoong masaya ngayon. Parang naiwan ko ang buong pagkatao ko sa Pilipinas. May naiwan ako na nagpakulang sa akin. Ramdam na ramdam ko na kulang ako.
Kaya sa tingin ko, tama ang naging desisyon ko noong una na hindi sumama kay Odelia rito dahil ganito pala ang mararamdaman ko. Sobrang sakit at alam kong pati siya ay nasasaktan sa nangyayari.
“Pagpahingahin n’yo muna ang Ate n’yo.”
Napatingin ako kay Auntie Alice na nakatayo sa likod ng mga kapatid ko. Lumayo ang mga kapatid ko kaya si Auntie naman ang niyakap ko. Ang naging pangalawang ina ko kahit na nasa malayong lugar siya. Kasama ko na ang mga kadugo k
