Chapter 18
*Mark*
Maghapon kong hindi nakita si Abby sa eskwelahan. Absent? Saan pumunta? Sinubukan ko siyang tawagan pero nakapatay ang cell phone niya. Pupunta na lang ako sa kanila mamayang gabi. Binulsa ko ang cell phone at namulsang naglalakad.
Napalingon ako sa katabi kong si Harold. Uwian na naman. “First honor ka na naman, Mark sa graduation,” nakangiting saad ni Harold. Ngumisi lang ako sa kaniya.
Kolehiyo na ‘ko sa susunod na pasukan. “Uuwi ba ang Daddy mo?” Tanong niya habang naglalakad kami patungo sa motor naming naka-parking sa gilid.
“Busy si Dad. Si Mommy lang naman ang palaging may oras,” wika ko at parang nakaramdam ng lungkot sa huli.
Wala naman akong hinihinging atensyon kay Dad dahil hindi naman niya maibibigay. Pera at negosyo na lang yata ang mahalaga sa kaniya
