Muli akong nagpakawala ng isang malakas na buntong hininga bago lakas-loob na lumapit dito.
"Hi!" Heto na...
Kita ko ang mga naalarmang bodyguards nila ngunit hindi naman lumapit sa akin upang sitahin ako. Pinagmasdan lamang nila ako na lumalapit sa pamangkin ni Mayor.
Nang mag-angat ang dalaga sa akin ng tingin ay napaigtad ito kung kaya't napangiti ako rito.
Grabe talaga ito. Tila hindi tao dahil ang balat nito ay naggo-glow, makinis, maputi, at mukhang malambot pa. Halatang-halata ang karangyaan dito.
Lalo akong nanggigil.
Kung titingnan ito ay maiisip ko talaga na nalahian ito. Parang mga half-half ba. Medyo may katangusan kasi ang ilong, maputi at kakaiba ang ganda. Sabagay, halos ang mga Alonzo rito ay mga Filipino-ng may dugong banyaga.
Umupo ako sa tabi nito. "Ikaw ba a
