Bata pa lang si Anna ay pangarap na niyang makatapos ng pag-aaral, para mabigyan ng magandang buhay ang pamilya. Panganay siya sa tatlong magkakapatid. Para sa kanya, kayamanan ang pamilya, at ang tunay na pagmamahal.
Noong tumuntong ng high school ang mga kapatid niya, mas inuna niya ang pangangailangan ng mga ito, kaysa sa kagustuhan niyang matupad ang pangarap niya. Mas nais niyang makatapos muna ng pag-aaral ang mga kapatid bago siya.
Kaya naman para matupad ang pangarap niya sa mga ito ay minabuti niyang magtungo ng Maynila para magkaroon ng malaking kita, para masuportahan ang pangangailangan ng mga kapatid niya.
Doon niya nakilala ang isang napakabait na Ginang at ang aroganteng anak nito. Palagi na lang itong galit sa kanya pero hindi naman siya papatalo. Kahit mahirap lang sila
