"Nandito na tayo."
Napatingin ako sa labas ng bintana ng kotse. Puro puno na ang nakikita ko ngayon at alam kong malapit-lapit na rito ang kuta ng kupal na Uncle.
Napakayayamanin talaga ng Uncle na 'yon. Biruin mo ang dami niya palang kuta. Baka mamaya may kuta pa pala siya sa ilalim ng dagat o kaya sa ere naman. Aba matindi ang salot sa lipunan!
"Pumwesto na kayo, Lex."
"Copy. Guys, let's go."
Nagsibabaan na ang mga tauhan ni Lex pati na 'yong mga nasa kabilang kotse. At pumunta na sa mga pwesto nila.
Naiwan kami ni hokage na mukhang hinihintay akong bumaba. Hinihintay ko rin siyang bumaba kaya baka maisipan niyang siya ang maunang bumaba. Dahil kung hindi pa siya bababa, aba't aabutin kami ng siyam-siyam dito.
"You ready? Tara na."
Napatingin ako sa kanya nang magsalita siya.
Oo
