Napahawak ako sa aking ulo. Kagigising ko lang, pero ‘yong pakiramdam ko ay parang lumulutang ako. Ano bang klaseng tulog ang mayroon ako kagabi, at ganito ang pakiramdam ko? Parang hindi nagpa-process ang utak ko.
Kanina pa ako kinakausap ni Damian, pero wala akong maintindihan. Umalis na nga, mukhang naumay akong kausapin. Ano ba ang nangyari? Wala akong maaalala masiyado pagkatapos akong ayain ni Damian. Ang alam ko lang ay masaya kaming kumakain, tapos hindi ko na matandaan masiyado.
Hindi naman ako nakainom ng alak no’n, ha? Walang alak. Palamig lang ‘yon. Paanong naging lutang ako?
Inilibot ko ang aking mga mata sa buong kabuuan ng lugar, at napansing nasa cabin ko lang pala ako. Paano ba ako nakarating dito? Ano ba ang nangyari after naming kumain ni Damian ng isaw?
“May mali ta
