Kinakabahan akong itinulak siya sa kaniyang dibdib, pero hindi man lang siya natinag. Doon ko napagtanto na gusto talaga niyang pahirapan ako sa puwesto namin ngayon. Hindi na nga ako makahinga nang maayos sa tuwing nasa paligid lang siya, balak pa niya akong pahirapan ngayon.
Kinagat ko ang aking ibabang labi, at sinubukang ilihis ang aking mga mata. Ayaw ko kasing titigan ang mga mata niyang nang-aakit. Bukod sa madilim ang mga mata niya, parang nakatatakot din siyang tao. Wala kasing emosyon ang mga mata niya, at hindi naman literal na inaakit ako ng kaniyang mga mata. Parang ang sarap lang kasing titigan kung tutuusin.
Sa ganda ng mga mata niya, kulay asul. Tingin ba niya ay hindi ako mapapatitig nang matagal sa mga mata niyang ‘yon? Sobrang ganda kasi, pero walang kahit anong kinang
