Hindi ko namalayan na natapos na ang isang linggo at magsisimula na akong mag-review para sa board exams. Excited na excited ako sa pagpasok kaya alas singko pa lang ay bumangon na ako para maghanda sa pagpasok sa review center kahit na nga ba alas otso pa ng umaga magsisimula ang schedule ko.
Paglabas ko sa kwarto ay tuloy-tuloy na naglakad ako papunta sa kusina. Muntik pa akong mapatili sa gulat nang madatnan ko si Jace na kasalukuyang nakatalikod sa akin at mukhang busy sa kung ano.
Mukhang narinig n’ya ang mga yabag ko palapit kaya nilingon n’ya ako. Napamaang ako nang makitang nakasuot s’ya ng apron at mukhang magluluto ng friend rice dahil sa mga leftovers na nasa gilid n’ya.
“A-anong ginagawa mo dito ng ganito kaaga?” tanong ko. Sigurado akong hindi s’ya dito natulog kagabi dahil
