SOPHIE GONZALES
Nakatayo ako ngayon sa harap ng bahay ng mga O’Hara. Apat na security guards ang nakabantay sa gate kaya tinanong ako ng isa kung ano at sino ang kailangan ko.
“Nandito ba si Jake?” I asked back.
“Patingin po muna ng I.D n'yo, ma'am," magalang na sabi sa akin ng lalaking kaharap ko.
Ngunit hindi rin ako nagkaroon ng pagkakataong ipakita ang dala kong ID dahil sa pagdating ng isang gray na sasakyan. Ang dalawang guwardya naman ay agad na kumilos para buksan ang gate.
Ang buong akala ko ay didiretso sa loob ang sasakyan, ngunit huminto 'yon sa tapat ko. At nakita ko si Jake nang bumaba ang salaming bintana sa tapat ng driver's seat.
Siya ang sunod na bumaba sa sasakyan at tumayo sa harap ko. “You must be Sophie, right?"
Pero hindi ko alam kung ano'ng isasagot ko. Sasa
