"ANO'NG IBIG ninyong sabihing hindi ninyo siya kasama?"
Dumagundong ang sigaw ni Blitzen sa buong mansion nang dumating si Manang Lucing nang mag-isa. Lalong nag-init ang ulo niya nang makita ang oras sa suot niyang relo sa kamay. Alas otso na ng gabi. Kanina pa siya nagtataka kung bakit sobra namang ginabi iyong dalawa sa pamamalengke iyon pala ay hindi sa palengke nagpunta ang dalawa.
"Eh kasi Senyorito, pinauwi muna ako ni Maam Krisstine kanina. Ang sabi niya kasi ay may sorpresa raw siya sa inyo," mahinang sagot ni Manang Lucing.
"Kanina pa ako naghihintay dito sa inyo! Kung hindi ko pa kayo ipinatawag sa anak ninyo ay hindi ko pa malalamang hindi pala kayo magkasama ni Krisstine."
"Eh kasi nga binilin ako ni ma'am na bukas na bumalik."
Bukod sa sobrang inis ay sobra rin siyang na
