“DADDY,” tawag ni Della kay Nathan.
“Yes baby?”
“Kailan ka po uuwi dito sa bahay?” walang gatol na tanong nito.
Natigilan si Mari matapos marinig ang tanong ng anak. Wala sa loob na nagkatinginan sila ni Nathan.
Pagkagaling sa Café ay kumain lang sila ng dinner, pagkatapos ay dumiretso na sila ng uwi doon sa bahay. Gaya ng inaasahan ay nag-enjoy ng husto si Della. Kung mayroon man nagbago sa anak niya simula ng dumating si Nathan sa buhay nilang mag-ina. Iyon ay unti-unti ng bumabalik ang pagiging masayahin nito.
Pagdating sa bahay, agad nag-request si Della na si Nathan ang magpaligo dito. Ayaw sanang pumayag ni Mari dahil nakasuot pa ng suit ito, pero gaya ng dati ay agad na umoo si Nathan.
“Anak, tama na ‘
