"Hahahahaha!" Ang lulutong ng mga tawa ni Yolly. Hindi niya inakala na ang saya-saya pa lang kasama ni Leandro. Joker pala ito. Sobrang kalog. Ibang-iba sa character nito na seryoso at istrikto kapag duty bilang guwardya sa Sanchi College.
"Hindi ba tama ako?" nakatawang ani Leandro.
Magkaharap silang kumakain sa isang fast food chain. Tapos na nilang kinain ang nauna nilang in-order na burger kaya nagkukutkot na lang sila ngayon ng fries ni Leandro habang nagkukuwentuhan.
At ang totoo, ayaw niya nga sanang kumain ng fries dahil naalala niya 'yung masaya nilang moment ni Andy. Noong nilibre rin siya, noong wala pa silang hindi pagkakaintidihan. Ang kaso hindi niya mapigilan. Talagang favorite niya ang fries. Kahit na anong fries. Kahit pa nga iyong tagsampung piso na fries sa kanto, pap
