"Samahan mo ako mamaya after class. Punta tayo sa tahimik na lugar. I have something to confess," pasimple at mahinang sabi ni Andy kay Yolly. Nakatakip ang kamay niyang nakapangalumbaba sa bunganga habang kampanteng nakaupo sa upuan ni Cristine. Kung titingnan ay para siyang mabait na college student na matamang nakikinig sa lecture ng prof. At ang tinukoy niya na tahimik na lugar ay ang simbahan na pinuntahan nila noon.
Kunot ang noong binalingan siya ni Yolly.
Tiningnan naman niya ito at nginitian. Ang totoo ay nami-miss lang niya ang company ni Yolly. Hindi niya kasi maramdaman ang lungkot kapag kasama niya ang dalaga kumpara kapag kasama niya ang mga barkada na walang ginawa kundi ang magpa-cute sa mga girls na hindi naman na niya hilig.
Iba talaga ang saya niya kapag si Yolly ang
