Chapter 86
Rufus Pov
UMALIS AKO ngayong araw para pumunta sa restaurant ko. Bago ako umalis ay iniwan ko sa dalawang guard ang condo unit ko upang bantayan ang mahal ko. Ang balak ko lang ay tignan ang restaurant ko at wala akong balak magtagal. Kailangan ko din kasing bumalik agad dahil alam kong hahanapin ako ni Liberty. Tulog pa kasi siya kaya nag iwan lang ako ng note upang hindi niya ako hanapin kapag nagising siya na wala pa ako.
Habang binabaybay ko ang highway para makarating sa restaurant ko ay panay ang tingin ko sa aking rear view mirror. May napapansin kasi akong motorcycle na nakasunod sa sasakyan ko. Naisip ko na baka nagkataon lang pero naisipan kong lumiko ng makakita ako ng isa pang highway kahit hindi naman do’n ang daan papunta sa restaurant ko.
Nang makaliko ako a
