Chapter 60
Rufus Pov
NAGHIHINTAY lang ako sa reply ng mahal ko habang nandito ako sa office. May binigay sa ‘kin ang manager ko kaya kailangan ko ‘tong basahin dahil tungkol ito sa restaurant. Hindi naman nag cha-chat ang mahal ko kaya naisip ko na baka busy lang siya at marami lang ginagawa sa shop niya.
Malapit na akong mangalahati sa pagbabasa ng may kumatok sa pinto ng office ko. “Come in.” Wika ko habang ang mata ay nakatuon sa binabasa ko. Alam kong manager ko lang naman ang kumakatok sa pinto ko. Siya lang naman ang pwedeng pumasok sa office ko na pinayagan ko.
Narinig ko ang pagbukas ng pintuan ngunit hindi parin ako nag angat ng mukha. Ngunit kumunot ang noo ko ng mapansin kong tumatama ang takong ng taong pumasok sa office ko. Sa pagkakaalala ko ay lalaki ang manager ko.
