Kagat labing tumatakbo si Yara pagkatapos magsindi ng torch. Nasa harap s'ya ng maraming studyante at iyon ang pinaka-ayaw n'yang eksena. Hindi naman ito bago sa kanya pero pakiramdam n'ya palagi ay natutunaw s'ya sa tuwing nakikita n'ya ang mga mata ng lahat na nakatutok sa kanya. Hindi naman s'ya nawawala sa focus kaya lang, ramdam n'ya sa sarili n'ya ang panginginig at hiya.
"Mukha kang tumatakas sa humahabol sa 'yo," natatawang sambit ni Guia nang makalapit s'ya dito.
Hindi man halata ng iba ang nerbyos n'ya, pero ang mga kaibigan n'ya kitang-kita iyon. Alam n'ya rin na habang kinakabahan s'ya sa harap ng maraming tao ay kalahating sinasabi ng mga ito sa isip na huwag s'yang kabahan at kalahating pinagtatawan s'ya.
Kilala n'ya ang mga ito eh, kaya hindi na s'ya nagulat nang may m
