"Ang guwapo noong staff, nakita n'yo ba?"
Hindi pinansin ni Yara ang kaibigan na si Argel na parang naasinan na bulateng lumapit sa kanya para lang kiligin.
Nakarating na sila sa hotel kung saan sila mamalagi ng apat na gabi dahil sa araw naman ay lalabas sila, at hindi n'ya rin naman talaga din itatanggi ang guwapong mukha noong staff na sumalubong sa kanila. Mukhang nasa 18 to 20 years old pa lang iyon pero kung panggigilan ng kaibigan nila ay parang ka-edad nito ang lalake.
"Ang ganda," malawak na ngiti ang sumilay sa labi ni Guia dahil sa pagkamangha sa kwarto unit nilang apat.
Nasa iisang unit lang sila na may apat na kwarto. Alam nila kung gaano kamahal ang lugar na ito pero dahil kilala ng pamilya ni Denver ang mismong may-ari ng building ay hindi nila alam kung magkano ang
