Nang matapos ang program ay agad na tumayo si Yara sa kinauupuan para sana lapitan ang dalawang kaibigan na naroon sa mesa ng mga bisita. Pero bago pa man s'ya makahakbang ay agad na may humawak sa braso n'ya dahilan para mapatigil s'ya.
Sinulyapan n'ya si Denver nang isipin n'ya na sana ang kaibigan n'ya ang nakahawak sa braso n'ya pero hindi. May kausap itong isang judge na hindi n'ya kilala. Dahan-dahan n'yang nilingon ang kung sino man ang nakahawak sa braso n'ya, mula sa kamay nitong nakalapat sa balat n'ya ay unti-unti n'yang inangat ang tingin hanggang sa makasalubong ng mga mata n'ya ang mata ng kung sino.
Hindi naman ito ang unang beses pero sa tuwing nagtatama ang mga mata nila ay may ibang pakiramdam talaga si Yara. Pakiramdam n'ya ay hinihigop ng mga mata nito ang kaluluwa
