Nagising si Yara dahil sa malakas na tunog ng alarm clock n'ya. Kinusot-kusot n'ya ang mga mata at napangiwi nang makaramdam ng sakit sa ulo. Paliramdam n'ya ay mabibiyak ang ulo n'ya sa klase ng sakit. Kinapa n'ya ang sarili at hindi naman s'ya mainit, wala naman s'yang lagnat.
Napadaing s'ya sa sobrang sakit pero pinilit n'ya ang sarili na bumangon upang ayusin ang sarili dahil may pasok pa s'ya at hindi s'ya puwedeng umabsent. Siguro kapag makaligo na s'ya ay mawawala na ang sakit sa ulo n'ya. Tumayo s'ya mula sa pagkakahiga at muntik pang matumba dahil sa biglaang pag-aray n'ya sa sakit ng ulo n'ya.
Pinilit n'ya ang sarili na makarating sa banyo pero bago pa man s'ya makapasok ay nasulyapan n'ya ang sarili sa whole body na salamin sa loob ng closet n'ya na s'yang madadaanan bago mak
