DINALA nila si Police Col. Sanchez sa detaining area at pinosas ito sa upuan ding kinauupuan nito. Lumapit si Major at kinuha ang baril nitong nakasuksok pa rin sa gilid ng bewang nito pagtapos ay tumingin sa mga pulis na humili rito.
“Sa susunod na huhuli kayo ng pulis, siguraduhin niyong uunahin niyong tanggalin ang baril nila dahil hindi niyo alam kung anong tumatakbo sa utak ng mga criminal. At hindi niyo alam na minsan mas masahol pa sa kriminal ang mga ganitong pulis,” makahulugang sabi ni Major habang mahinang ipinapalo ang hawak nitong baril sa isa nitong palad.
“Diretsuhin mo na ‘ko, Major,” hindi makatiis na sabi ni Police Col. Sanchez. “At hindi niyo ko pwedeng pagbintangan ng mga bagay na wala naman kayong patunay.”
“Hindi ba’t sinabi ko naman sa ‘yo na marami kaming ebidens
