KINABUKASAN ay nagising si Jin sa marahang mga tapik ni David sa kaniyang balikat. Nang maging mahinahon naman siya ay pinakawalan din siya nila David. Totoo ang sinabi nito na kailangan niyang maging mahinahon. Sisiguraduhin niyang mahahanap niya ang gumawa no’n sa Papa niya at hindi siya papayag na ganoon na lang ang nangyari dito. Sisiguraduhin din niyang magsisisi ang mga taong gumawa noon sa ama at hindi siya papayag na hindi siya makapaghiganti.
“Bakit?” tanong niya rito.
“Oras na po para umalis tayo,” magalang na wika nito sa kaniya kaya tumayo naman siya para gumayak.
Wala siyang oras para patagakin ang lahat nang nangyayari. Gusto niyang makausap at makaharap ng opisyales ng Dark Eagle kahit pa nga iyon ang unang pagkakataon na haharap siya sa mga ito para magsalita bilang lead
