Blaire's POV
"Ma," Tawag atensyon ko kay mama na nagpaplantsa ng mga damit ng amo namin.
Hindi niya ako nilingon. "Sinabi ko ng huwag mo akong kakausapin pag namamamlantsa ako. Pag nasunog ko ang damit na 'to, kulang pa ang isang buwan kong sahod pambayad." Naiiritang sabi ni mama.
Gusto ko sanang matawa sa mahaba niyang litanya. Parang tinawag ko lang naman siyang "Ma,"
"Bakit ma, magkano ba ang sahod mo?"
Tinignan niya ako saglit saka pinagpatuloy ang pamamamlantsa.
"Bakit, aabonohan mo ba?"
Sa nanay ko talaga ako nagmana.
"Pwede ba, bumalik ka nalang sa higaan natin at ayusin mo ang pag-aaral mo. Huwag kang mag-alala anak, igagapang ko ang college mo. Basta, mangako kang iaahon mo ang buhay natin."
Palagi niyang sinasabi iyon sa akin. Na ayusin ko ang pag-aaral ko, at ig
