JESSA POV
Kinabukasan ng maaga, 4 am ay bumangon na ako kahit na masakit pa ang katawan ko, lalo na ang paa ko dahil sa pagsusuot ko ng mataas na heels. Hindi ako excited para ngayong araw, ito na nga marahil ang isa sa mga pinaka panget na araw ko. Sino ba ang gaganahan na maipit sa ganitong sitwasyon? Ginigipit ako ng isang tao na hindi ko na gustong makita kahit na anino pa niya. Pero ang pagbabanta niya ang nagpapa nginig ng kalamnan ko. Baka sa oras na tumanggi ako ay maging isa akong malaking kahihiyan sa pamilya ko at lalo na kay tita Janice na sobrang bait.
Mahirap masira ang tiwala ng isang taong kagaya niya. Sadyang malas lang din siguro siya sa napili niyang asawa na isang manloloko at manyakis. Na kung tutuusin ay perpekto na ang buhay nila pero siya itong sumisira ng pamily
