WALANG ibang nagawa si Noraine kung hindi buksan ang pinto nang maamoy niya ang mabangong pagkain na niluto ni Andrei para sa kaniya.
Binuksan niya nang maayos ang pinto para makapasok si Andrei.
Dire-diretso namang naglakad papasok si Andrei papunta sa kaniyang kama saka ro’n inilapag ang dala nitong tray.
Hindi umalis sa kaniyang kinatatayuan si Noraine. Sinusukat niya ang kilos ng lalaki. Nang mailapag nito ang tray ng pagkain ay humarap naman sa kaniya ang binata na may ngiti pa rin sa mga labi pero nang makita nito ang hitsura niya ay unti-unting nawala ang ngiti sa mga labi ni Andrei at napalitan ito ng pagtataka.
“What? Why are you looking at me like that?”
Naningkit ang mga mata ni Noraine at maingat na naglakad papunta sa kabilang banda ng kama. “You can leave, thank you for
