(Mia's POV)
"Ate Mabeth, please, wag mo nang sabihin kay Brian ang sinabi nina Mommy at Daddy..." pakiusap ko kay Ate Mabeth nang kami na lang ang nasa loob ng condo.
Naaktuhan ko siya kanina na tatawagan si Brian pero kaagad ko siyang pinigilan at malumanay kong inagaw ang cellphone niya habang nakikiusap ang mga matang nakatitig sa kanya.
Ngayon ay nilalapatan na niya ng yello ang namumulang pisngi ko na dalawang beses sinampal ni Mommy. Medyo mahapdi ito kanina, pero ngayon ay umayos-ayos na sa pakiramdam.
"Pero, Ma'am Mia...."
Oo, 'Ma'am' na ang tawag ng mga kasambahay sa akin bukod kay Lola Nessy at wala na akong nagawa roon. Malamang ay utos iyon ni Brian na hindi naman nila masuway.
"Hindi ka naman magsisinungaling sa kanya... Hindi mo lang sasabihin lahat ng sinabi nina Mommy
