(Mia's POV)
"Binabati kita, apo." Masayang bati sa akin ni Lola Nessy nang tapos na ang Civil Wedding namin ni Brian. Nagyakap kami at nginitian ko siya ng matamis.
"Salamat po, Lola."
Sobrang saya ko!
Hindi ko akalain na lahat ng pag-aalala at takot ko, lahat ng insecurity at jealousy ko ay mawawa nang ganoon na lang kadali dahil sa biglaang pagyayaya sa akin ni Brian ng kasal. Ngayon, siguradong-sigurado na ako, wala nang kaduda-duda o munting tanong sa isip ko kung gaano ba ako kamahal ni Brian.
Napatingin ulit ako sa wedding ring na nakasuot na sa palasingsingan ko sa kaliwang kamay ko at hindi ko napigilang lalong mapangiti habang tinititigan iyon.
Kailan naman kaya iyon ipinagawa ni Brian? Isa iyong gold ring na may maliliit na blue diamonds sa gilid at may isang mas malaki sa
