(Mia's POV)
Lumipas ang isang linggo na hindi ko talaga sinabi kina Mommy at Daddy ang tungkol kay Brian. Tanggap ko na, kung sakaling itatakwil talaga nila ako bilang anak nila. Naniniwala pa rin naman ako na balang araw ay matatanggap nila ang anak ko sa buhay nila.
"Ano 'yon, Ate Mabeth?"
Habang nanunuod ako ng entertainment show sa TV na nasa sala ay nalipat ang pansin ko kay Ate Mabeth nang tumayo siya sa harap ko at tila may nais sabihin sa akin.
"Ma'am Mia, magpapaalam sana ako sa iyo... Uuwi muna ako sa probinsiya ng ilang araw dahil namatay ang lolo ko..."
"Sorry to hear that. Nakikiramay ako sa iyo at sa buong pamilya ninyo, Ate Mabeth. Kung sa akin ay wala namang problema. Kay Brian ka po magpaalam pero sigurado namang papayagan ka non."
Ang alam ko ay sa Mindanao pa ang p
