"Ma, kailangan ko na po sigurong pumunta ng Dubai. Wala na, eh. Parang wala nang ginagawa ang gobyerno natin para mahanap ang asawa ko, eh." Umiiyak na naman si Aileen. Galing sila ng ina sa isang opisina kung saan nilalakad nila ang paghahanap kina Noel. Subalit gano'n pa rin ang sinabi sa kanila. Ang mag-antay draw sila dahil nakikipag-kooperasyon naman daw sila sa bansang Middle East.
"Eh, pa'no naman ang anak mo rito?"
"P'wede po bang kayo na muna ang bahala sa kanya? Tutulong ako kay Marjorie roon sa paghahanap sa asawa ko."
Tumango ang ina niya. At dahil pumayag naman ang mga magulang niya ay tinawagan niya agad si Marjorie.
"Marjorie, hindi na kasi ako mapalagay, eh. Ilang araw na ba simula nawala sila? Natatakot na ako. Baka kung napano na ang asawa ko."
"Aileen, mare, hindi n
