"BAKIT mukhang takot na takot ka sa akin?" untag ng matanda sa kaniya nang mapansin yata nitong hindi siya kumikibo sa kinatatayuan niya.
Kanina pang nakatingin si Isabella rito at tama naman ang matanda, takot na takot siya rito. Parang may panghuhusga kasi iyong tingin nito sa kaniya. Pakiramdam ni Isabella at hinuhusgahan nito ang buo niyang pagkatao. Madali kasing matukoy ni Isabella kung may masama bang pag-uugali ang isang tao o wala. At malakas ang kutob niya na masama ang ugali nito.
Ngunit iyon ay isa lang malaking pagkakamali dahil lumapit sa kaniya ang matanda at niyakap siya nang mahigpit. Hindi makagalaw si Isabella habang yakap-yakap pa rin ng matanda. Makalipas pa ang ilang minuto, humiwalay ito sa kaniya at ngumiti pa.
"Natatakot ka ba sa akin, Isabella?" mahinahon at na
