"Matthew! Max! Mamaya na iyang laro ninyo at kumain na muna kayo ng tanghalian," sigaw ni Mame sa loob habang nakadungaw sa bintana ng bahay namin.
Agad akong napatayo at saka pumasok sa loob. Napasabunot ako sa buhok ko dahil sa bigla. At sa tingin ko nga rin, namumula na ang pisngi ko dahil sa init na nararamdaman ko. Sana hindi niya nakita!
Hindi ko talaga alam kung ano'ng sasabihin kanina kaya laking pasasalamat ko kay Mame at tumawag siya sa mga kuya ko.
"Drea, ayos ka lang ba? Naloloka ka na 'ata?" tanong ni Mame sabay lapit sa akin. "Tulungan mo na lang ako maghain dito. Dali!" utos niya.
Lumapit agad ako sa kanya at hindi na nagsalita. Niyakap ko siya mula sa likod at napasimangot. Ang tagal na simula noong ginawa ko ito kaya naman pakiramdam ko ay gumaan ang pakiramdam ko.
"O
