Pagkapasok ko sa bahay nina Marcuz, yakap agad ni Kuya Maxwell ang bumungad sa akin. Sumunod ang kambal pati si Kuya Matthew. Kumunot ang noo ko nang mapansing nandito silang lahat, kasama sina Faith at iba ko pang mga pinsan.
Wala akong ideya kung bakit pumunta kami rito nina Kuya Genesis, kasama si Freidrich. Bigla na lang kasing nag-aaya nang hindi nagpapaliwanag. Nakita ko kung gaano sila kalungkot. Hindi ko alam kung ano ang dahilan.
Well, lagi naman akong huli sa balita pero kahit ganoon, gusto kong malaman.
"Ano ang problema? Bakit ganiyan kayo makapag-react sa pagdating namin? Hindi ba kayo masaya?" pabirong tanong ko.
Ngunit ni isa sa kanila ay walang ngumiti. Okay! Sabi ko nga seryoso sila at may problema. Hindi na nga ako kikibo at makikinig na lang.
"Umupo ka muna," utos n
