Kinakabahan ako habang hinihintay ko si Thauce. Ilang araw na kasi ang nakalipas, pagkatapos ng pag-uusap namin ni Seya ay nagpadala ito ng mensahe sa akin. Ngayon-ngayon lang. Biglaan 'yon, walang anu-ano ay tinanong niya ako.
"Ate, wala ka naman itinatago sa akin, 'di ba?"
Ang kabog ng dibdib ko. Hindi kaya nalaman niya sa iba na may relasyon kami ni Thauce? kasi imposibleng ang tungkol sa kasunduan ang malalaman niya dahil kami lang ni Thauce ang nakakaalam ng tungkol doon, kahit si Lianna ay hindi alam 'yon.
Napaupo ako sa gilid ng kama at napatingin sa oras. Alas-kwatro y medya na ng hapon. Alas-singko ay ang tapos ng trabaho ni Thauce. Nagtanong na ako kung anong oras siya uuwi, gusto ko nang sabihin ngayon mismong gabi ang tungkol sa amin na dalawa. Ewan ko ba, pagkatapos kasi nu
