Chapter 28
Kahit pa siniguro ni Rai na gagawan niya ng paraan para mapatigil ang pagkalat ng mga letrato, hindi ko pa rin maiwasan na mag-alala. Paano kung may nakakita at nakakilala sa akin? Paano kung gamitin iyon laban sa akin?
Sa sobrang kalasingan ko ng gabing iyon hindi ko na alam kung may nakasalamuha pa ba akong ibang tao na nakakilala sa akin. Baka may nakabanggaan pala ako at natandaan ang mukha pati ang suot ko.
Napakaraming posibilidad ang tumatakbo sa utak ko at halos lahat ng iyon ay puro negatibo. Habang tumatagal lalong lumalala ang pag-iisip ko ng masama at mga posibleng senaryo na mangyari dahil sa letrato at mga nangyari nung gabing iyon.
Kasalanan ko ang lahat!
Sana kasi hindi ako humiwalay kina Brandon. Dapat hindi ko na pinaunlakan ang paanyaya sa akin ni Lucy n
