“OKAY, tumingin muna tayo ng isusuot mo dahil baka mahirapan tayo maghanap ng espasol,” wika ni Chase kay Ariyah saka ito nag-U turn. Mukha kasing may timeline itong sinusundan. Although, di pa niya alam kung anong preparation ang ginagawa nito para sa nalalapit nilang kasal.
“Okay lang naman, makakapaghintay pa naman ako, eh. Sabi ko nga sa ‘yo, okay lang naman kung wala, eh.”
“Susubukan pa rin nating maghanap, eh di, kung wala tayong makita saka mo na isuko ‘yong pagkain no’n,” pilit naman nito. “Anyway, kilala mo naman siguro si Alexena Vergara, ‘noh?” nagsalubong naman ang kilay niya dahil ilang beses niyang naririnig ang pangalan na ‘yon sa Mommy ni Zac. “Alexena Vergara-Chavez na nga pala siya ngayon,” biglang bawi nito.
“Kamag-anak mo?” Gulat na tanong niya nang marinig ang apely
