Kabanata 28
“Leander, naghihintay na sa ‘kin sa loob ang pamilya ko kaya please lang, sabihin mo na kung ano’ng gusto mong sabihin tungkol sa manloloko mong kapatid!”
Nasa loob lang kami ng sasakyan ni Leander na nasa harapan ng malaking tarangkahan ng bahay namin. Benedict gave us a moment to talk privately. Saglit lang naman daw itong si Leander kaya hindi na siya nag-abalang pumasok.
Dahil si Leander naman ang kaharap ko kaya hindi ko na kailangang umarte na okay ako. Ibig kong ipaalam sa kanya kung gaano kamiserable ang pinagdadaanan ngayon ng baliw kong puso dahil sa kagaguhan ng kapatid niya.
“Ano? Did he ask you to find me? Kung oo, pakisabi sa kan'ya na sarado na ang utak ko para sa paliwanag niya. Iyon ay kung may balak nga siyang magpaliwanag.” Nalalasahan ko ang pakla ng
