“NINANG—”
“Ninang?” nakangiting gagad ni Miro sa sinabi ni Margaux. Naroon sila nang mga sandaling iyon sa mausoleo ng mga Lagdameo kung saan nakahimlay ang mga labî ng mga magulang ng kanyang asawa. Asawa. Kasal na sila ni Miro sa huwes at sa kasalukuyan ay inaayos na ang kanilang kasal sa simbahan.
Hinapit siya nito at hinagkan ang ulo niya.
Napangiti siya. “Mommy, Daddy, ipinapakilala ko po ang mga apo ninyo, sina Miguel at Margarette. Kids, say ‘hi’ to your grandparents,” pagpapakilala niya sa dalawang batang nakakapit sa magkabilang kamay ni Miro. Hindi siya makapaniwala kung paanong napaka-close agad ng mga ito sa isa’t isa na para bang hindi nagkahiwalay nang matagal ang mga ito. Pagkagaling nila roon ay dederetso sila sa puntod ng kanyang mga magulang. Next week naman ay lilipa
