Myra's Pov:
Pangatlong araw ko na rito sa Lungsod ng Bibinca at katulad ng mga nakaraang araw ay maaga akong gumising para asikasuhin ang mga dapat asikasuhin.
Sa loob ng dalawang araw na pananatili ko rito sa bahay ng pamilya nina Algean ay nagawa ko nang linisan ang buong bahay. Binigyan ako ng pahintulot nina Tita Carina na ayusin at linisan ang bawat sulok ng bungalow. Sinabi rin sa akin ng mag-asawa na ituring kong akin ang buong bahay.
Paglilinis lang talaga ang ginawa ko sa loob ng dalawang araw na iyon. Hindi ko na kinailangang libangin ang sarili dahil awtomatik na nakalimutan ko ang mga iniisip ko dahil sa pagiging abala sa pagsasaayos ng mga kagamitan sa loob ng bahay.
Maayos ang kabuuan ng bahay at ilang kagamitan lang ang pinakialaman at itinapon ko. Iyong mga bagay na si
