LINDSY
Marami kami napagkwentuhan ni lola. Tinanong niya ako kung paano kami nagkakilala ni Ravi. Sinabi ko na lang na nagkita kami sa isang party kung saan ay isa sa part time ko dahil iyon naman ang totoo.
Oo nga pala, hindi ko pa natanong kay Ravi kung natatandaan niya ako no'ng um-attend siya sa party na ginanap sa Golden Crowne Hotel sa Makati. Wala kasi siya rito dahil kinausap niya ang babae na sumalubong sa amin kanina. Siguro ay gusto niyang masulit ko ang oras na narito ako kasama ang lola ko.
"'La, sino po ang nagdala sa inyo rito?" curious na tanong ko. Hindi ako kumbinsido na ang tiyahin ko ang nagdala sa kanya dito dahil mas gusto nito tumanggap ng pera mula sa akin kaysa dalhin si lola dito.
"Syempre, ang pogi mong asawa."
Natigilan ako sa sinabi ni lola. Hindi agad
