LINDSY
Salubong ang kilay na pumasok kami sa sinehan. Paano ba naman, ang pinili kong movie ay 'yong blockbusters at pinag-uusapan pero ni isang tao rito sa loob ay wala akong nakita kung 'di kami lang.
Naghinala ako na baka kinausap ni Ravi ang staff at ang manager na namamahala sa sinehan para kami lang ang narito. Nakita ko kasi siyang may kausap na naka-formal attire na babae kanina bago kami pumasok dito sa loob. Mas exciting sana kung may kasama kami manood. Pero sige, hahayaan ko na lang ang trip niya.
"Gusto mo ba ng movie na napili ko?" tanong ko. Ako kasi ang namili ng movie. Gusto ko nga siya na lang pero wala raw kasi siya hilig manood kaya ako na lang ang pinapili niya.
"Let's see." Nakahinga ako ng maluwag dahil kahit paano ay sinagot niya ako.
Ilang sandali lang ay
