LINDSY
"Mukhang hindi yata titila ang ulan, Ravi," basag ko sa katahimikan.
Tahimik lang kami habang pinakikinggan ang pagbagsak ng buhos ng ulan. Hindi na siya nagtanong ng tungkol sa akin pagkatapos ko ikuwento kung bakit ako takot sa tubig.
"Hmm… we have no choice but to spend the night here. Hindi kita hahayaan na suungin ang ulan para lang makabalik tayo sa resthouse."
Mahigit dalawang oras na kasing malakas ang ulan at mukhang wala itong balak tumila. Hapon na at medyo nararamdaman ko na ang lamig lalo na at sumasabay pa ang ihip ng hangin. Niyakap ko ang sarili ko dahil sa lamig. Ramdam ko na ang lamig sa mga kasu-kasuan ko. Naibsan lang ang lamig dahil sa yakap ni Ravi at init ng katawan nito.
Umalis siya sa likuran ko at tinanggal ang tukod ng bintana para bumaba ito at ma
