Parte6 عشگ شاهين

1002 Words

خلص الفطور. وتعلوله شاهين عنده قدره يخفي مشاعره بشكل موً طبيعي يعني علي وصگر مبين عليهم اكو شي غاثهم بس شاهين يضحك ويسولف ومسوي جو. من رادو اهلي يرحون كلتلهم ماروح. بس شاهين. كال روحي. ويه اهلج خليته يطلع وكلت لامي فدوه عوفيني بس هل ليله كالت اختج هنانه عود اذا راد شي فهد هيه مكانج مقبلت وعاندت اله ابقه وصدك امي ماكدرت تغير رأي. ضليت خانسه بالمطبخ. الكل فات نام صارت الساعه. ب١:٣٠ بليل. شفت فهد طلع. يمشي على كيفه ومثل الحرامي. حتى محد يحس عليه خليته يطلع يوصل السياره كتله مريم فهد اوگف فهد شتردين ليش مارحتي لاهلج مريم عندي حجي وياك فهد أني وانتي كل كلام مابينه. وتروحين من وجهي لا اكفر بالساعه الي عرفتج بيه احجايه مني وحجايه منه. علت صواتنه. ماشفت غير شاهينً فوك روسنه وهو يكول شاهين شوفي يبت عمي. فهد ميناسبج. صح هو اخويه. بس خلي يكون بعلمج. لو جان فهد واحد غريب وجاي يخطبج جان طلعته بالدفرات وزين تعرفين أني شخص. اتعامل ويه الكل. سواء انتي بت عمي مو حي الله. وحده لذالك. اني اخوج وأكلج فهد ميناسبج مريم هذا الشي أني وفهد انقرره شيخ. شاهين. اني بشرع الله مرة الشيخ فهد. عجبك ماعجبك. شغله نبقه سوه. لو نترك هاي محد يقرره غير احنه الاثنين. واعتقد انته زين تعرفني. ماترك شي يخصني. اذا ماجنت مقتنعه. لذالك شصاير. فهد سولف. فهد أني وانتي مابيه. سوالف والي كلته قبل شهر كلام غير قابل للناقش. وغير هذا مالج اي دخل بحياتي. شاهين صاح بغضب شاهين فوك. شينه كوات عينه. شنو ماتستحي. ولك شيخ شكبرك شگدك أسحبك من نص السكاره ولك احمد ربك أمي ذاك اليوم عباله انته مريض وكعت ماتدري ابنه. شارب. حفيد الشيخ مظفر يسكر ولك ام علي ربت زلم شيوخ. ينحسبله الف حساب مو سكارهه شاهين صاير بركان ويحجي. من سمعت فهد شارب ماكدرت بعد اوكف على حيلي رتجيت عل سياره وشاهين مستمر يعد ويصف وفهد منزل راسه. بس من كال. شعدك ويه فراس يوميه. مسويلك مصيبه مو خزيتنه اني رفعت راسي. واشوف فهد شلون يباوع بعيوني. وعيونه ضلام وغضب وخشمه رجع طك دم. واكيد شاهين الي ميطير طير بسماه. صفن علينه. وفجاءه كال شاهين انتي ليش عفتي للجامعه. اكو وحده تدرس طب تتركه بهل سهوله مريم ( رفعت راسه وكالت بكل شموخ. ) اخر همي الطب والجامعه والي بيه. من كلت هيج فهد ضحك بستهزاء وفتح باب السياره. يريد يروح جان يكول شاهين شاهين فراس عزام. وياج بالجامعة مريم ماعرف مامتئكده يمكن سامعه بهل اسم. شاهين الولد وياج بالجامعة اكيد تعرفين ليش فهد. حاطه براسه. مريم اهاااا هذا اي عرفته. هذا واحد جان يعاملني باحترام وود. والصراحه مجنت اعرف قصده شي ثاني. فمن. خطبت أني وفهد. اجه. مصدوم ويكلي. ليش ما كلتيلي انتي لابن عمج وهل سوالف الضاهر الولد جان متأمل بيه. شاهين وانتي مثل الثوله أجيتي كلتي لفهد مريم لا رغم عادي اكوله ليش هو اكو شي حتى أضمه بس فهد سمع الولد من حاجاني فهد جان كوه واكف ويسمع كلامهم. من كملت. كال الشاهين فهد جذب مريم شنو الجذب فهد لو مثل ماكلتي ليش عنده هل كد صور الج مسوي غرفه كامله بس صورج لو صدك كلامج. ليش بعدج تتواصلين وياه لو صدك كلامج وماجان عدج ماضي وياه ليش بين يوم والثاني. جايني. اتركه. متريدك ليش تحرمنه من حبنه فهد يحجي واني مصدومه عن اي حب يحجي. فهد ركب سيارته وراح وشاهين. ضل حاير يصدك منو يكذب منو اخر شي كال شاهين انتي فوتي واني اعرف اصل السالفه. مو شيخ شاهين الي اخوه يگضي ليله ملاهي شرب ونسوان والله اقتله ولا هل عار ضل كلمات شاهين يدكن براسي. ملاهي ونسوان. يعني فهد جاي ي**نني. اني جنت حاضرته ثاني يوم بليل زلت الحضر واني افكر اكيد هسه هو بحضن وحده. يبوسه ينام وياها ماعرف شصارلي نار تسعر بداخلي هذا فهد ملكي أني. خاصه من سولف ويكول مسوي غرفه كامله بس صوري. يعني فراس اكيد الحقير مسوي شي صح جام لازم يوثق بيه. بس هم مستحيل اكوً رجال يكدر يلزم اعصابه بهيج موقف اخر شي الساعه. ب ٣:٣٠ الصبح اتصلت عليه ماكدرت بعد. شويه ورد فهد الو مريم انته وين فهد شتردين مريم جاي تخوني مو. فهد اي مريم وجعي شنو الي. چذب عليه وگلي لا ماعرف من كال اي فقدت ضليت اعيط وأصيح عليه ماعرف ليش هيج هسترتً بجي ولطم ليش احنه مو خلصنه مو شك بيه ونتهت علاقتنه ليش هيج احس روحي راح اموت لان يكلي اي اخونج. هو صاح بيه فهد وجع بكلبج صوتج لا هسه اجي للبصره وتكفر بيج مريم رجال وطالع من ضهر ابوكً تعال فهد جايج واشوفج الرجال شيسوي كال هيج وسد التليفون بوجهي واني ضليت ادك والطم يعني بعد كل هذا الحب وسنين انتضاري اله ومستحمله كلشي. من جنانه وخباله يجي بعد كل هذا ي**ني فوك شكه بيه وعدم ثقته احس روحي اختنكت بعز الظلام طلعت للبستان كعدت واني ابجي بقهر غفيت واني مرتجيه عله جذع نخله بنص البستان ماحسيت غير واحد رافعني بقوه احس زندي نخلع. رفعت راسي واني كوه افتح عيني. احس راسي ثكيل. واشوف فهد. من شفته ماعرف شحس كل الي طلع مني دموع فهد ولجً منو الي مو رجال مريم كافي عوفني وروح بحال سبيلك شتريد تسوي سوي تسهر ويه وحده ويه عشره تتزوج طلك مالي دخل بيك فهد واعذرني عل كلته لحضه غضب وطلعت مني جنت احجي وياه بس أني ماكدر افتح عيوني كلشي بيه أحسه ثكيل اخر شي مادري شصار لان من فتحت عيوني لكيت روحي بغرفتي باوعت الساعه جانت ١٠:٠٠ الصبح. معقوله جنت احلم. دخلت امي كالت جدج داز عليج من رحت اشوف جدي جان فهد كاعد بصفه وشاهين واگف باب الغرفه جان يكول جدي شيخ مظفر بويه مريم. فهد طلعله شغل بتركيا ولازم هذا الاسبوع يسافر شتكولين لو نسوي عرسكم بهل اسبوع لان مانعرف شوكت يخلص الشغل ويرجع. باوعت عله فهد وزين اعرف جذب هذا واحد من اعذار شاهين كتله مريم جدي الي اشوفه انته سوي الي يعجبك اباوع فهد عيونه نطت يريد يكوم يشرب دمي وشاهين يلعب بشواربه مبتسم وكال لجدي شاهين هاهيه لعد جدي عوف تجهيزات العرس عليه اقل الاسبوع أكمله وبما انو مريم هاي السنه أجلت كليته تسافر ويه فهد احسن ماضل هنانه جدي وافق وكيف واني وفهد واحد ماطايق يشوف الثاني وراها البيت انخبص أني اختفيت كل الي اسوي اشرد من واقعي للنوم فهد مو نفسه الي حبيته وتمنيته واحد شككاك يشرب. ويدور نسوان معقوله هذا هو الي كتلت روحي عليه

Free reading for new users

Scan code to download app

App Store Google Play

Facebookexpand_more