فهد من حجيت وياه. ابتعد عني عافني وطلع بنص اليل ماعرف شبي. وراها رجع كال لا زم نرجع للعراق اي هو هذا الي اني اريده
من رجعنه وهاي ثاني يوم النه فهد ساكت مدري شبي مو نفسه ذاك الثور الهايج
اني ماسكتت صح مثلت كدام الكل دور العروس الي الدنيا ماوسعته من فرحته.
بس من خفت العالم كلت لشاهين. عل كل سوالف فهد وهم سولفتله سالفه فراس
اشو شاهين من سمع باسم فراس انجن وكال بكل غضب
شاهين
يعني هذا الي اسمه فراس هذا سبب مشاكله ويه فهد
مريم
شتقصد شاهين. عزززه بعيني انفضحت بس لا فهد متعارك ويه الولد. شكد عيب
شاهين
ولج انتي شصخمين شنو العيب ولج من وره فراس اني خسرت اخوي بس ماجنت اعرف هاي السالفه وهسه اني الك. دكتور فراس. ولك ويأمن تلعب ويه ولد شيخ مظفر
عافني شاهين وطلع واني مثل الأطرش بالزفه كلشي ماعرف كعدت وسكتت شسوي لل ساعه ب ١٢:٠٠ بليل يله رجع
دخل فهد للغرفه بس وضعه غريب مدري شبي ويب
